Albisteak
Urriak 26
'Faktoria' berezia Gasteiztik, Zeu Zara EiTB sariak direla eta
G.U.
EiTB
Magazinaren zatia Arabako hiriburutik egingo du Manu Etxezorturen lan-taldeak, sarien berri zuzenean emateko, eta hainbat gonbidaturekin hitz egiteko.
Asteazken honetan, urriak 26, Gasteizerako bidea hartuko du 'Faktoria Magazina' lan-taldeak, Zeu Zara EiTB sarien banaketaren berri zuzen-zuzenean emateko.
7:00etan hasiko da saioa eguneko albiste nagusien errepasoarekin. 8:00etan, Maite Artolak hartuko du 'Albiste Faktoria'ren gidaritza. Lourdes Imazekin hitz egingo du lehenik, EHIGEren koordinatzailea, LOMCEren kontrako mobilizazioei buruz. 8:30ean, solasaldian izango dira Eguzki Urteaga soziologoa, Javier Diaz Noci kazetari eta irakasle eta Hodei Etxarte idazlea.
9:00etan, berriz, ekonomia izango dute hizpide Lander Beloki Mondragon Unibertsitateko Enpresagintza fakultateko dekanoarekin eta Hector Olabe Irizar e-mobility enpresako zuzendariarekin.
10:00etan, Gasteizetik hartuko du lekukoa Manu Etxezortuk, Zeu Zara EiTB sarien berri emateko. Lehenik, Gorka Urtaran alkatea eta Joxean Kerejeta Saski Baskoniako presidentea izango dituzte gonbidatu. 11:00etan, berriz, sarituekin hitz egingo dute. Gainera, Iñaki Larrañaga lankideak "Gasteiz eta Euskara" gaiari buruz osatu duen reportajea ere entzungo dugu. 12:00etan, berriz, Gasteiz bizitzeko zer moduzko hiria den ere landuko dugu mahai inguruan Iñaki Lazkanorekin, Oihaneder Euskararen Etxeko arduradunarekin, eta Mikel Garmendiarekin, Gasteiz Irekia taldeko kidearekin.
7:00etatik 13:00era, martxan izango da 'Faktoria'.
trong>
trong>
