Albisteak
Sinadura
AEBetako hauteskundeei begira, Koldo Almandozek 'Dave' filma ekarri du
1993an Ivan Reitmanek egindako komedia da Dave. Arrakastaren giltza, neurri handi batean, aktoreek izan zuten: Kevin Klinek eta Sigourney Weaverek.
-
Koldo Almandoz
6:20 min
Ameriketako Estatu Batuetako hauteskundeen haritik etorri da Koldo Almandozek astero 'Faktoria'n egiten duen zinema gomendioa. Izan ere, zinemaren historian film asko egin dira AEBetako presidenteei eta hauteskundeei lotuta, baina Dave komedia hautatu du zinemagile donostiarrak.
Presidentearen antza handia du pelikulako protagonistak, Dave izeneko gizonak. Egun batez presidentearen rola egiteko kontratatuko dute, baina gero, presidenteak osasun arazo larri bat du, eta luzatu egiten diote kontratua. Ondoren, ordea, bere erabakiak hartzen hasiko da, eta sekulako arrakasta izango du; jendeak izugarri maiteko du Dave.
1993an Ivan Reitmanek egindako komedia da Dave. Arrakastaren giltza, neurri handi batean, aktoreek izan zuten: Kevin Klinek eta Sigourney Weaverek. Hego Euskal Herrian Dave, presidente por un día izenez estreinatu zen filma.
