Lau t'erdiko finala eta Mintzanet ekimena, astelehenean, 'Faktoria'n

Astelehenean, Lau t'erdiko pilota txapelketaren finalaren biharamunean, irabazleari begira jarriko da 'Faktoria'. Gainera, Mintzanet ekimenaren berri ere izango dugu.

7:00etan hasiko da saioa eguneko albiste nagusien errepasoarekin. 8:00etan, Maite Artolak hartuko du 'Albiste Faktoria'ren gidaritza, eta Frantziara begira jarriko gara Nerea Reparazekin. Gainera, Niko Cuenca ekonomilaria OIT txostenaz arituko da. 8:30ean, solasaldian izango dira Joxe Juan Gonzalez de Txabarri, Martin Garitano eta Javier Diaz Noci.

9:00etan, leku nabarmena emango diogu bezperako Lau t'erdiko pilota finalaren irabazleari, haren senideen bitartez, batik bat. 9:30ean, Sare jarduldiak hizpide hartuko ditugu Iñaki Lasagabasterrekin eta Amets Martinez De Hereditarekin. Ordua amaitu aurretik, Bernardo Atxagaren gogoeta entzungo dugu.

10:00etan, 'Faktoria Magazina' jarriko du martxan Manu Etxezortuk. Hasteko, Mintzanet ekimenaren adibide bat jasoko dugu. Online euskaraz aritzeko ekimena da Mintzanet; Munduko edozein txokotan egonda ere, euskaraz aritzeko modua ematen duen tresna. Maysha izango dugu ondoren, eta, kirol aurrerapenaren ostean, Martin Gartziandia Gasteizko sindikoa arituko zaigu. 11:00etako ordua kirol solasaldiarekin hasiko da. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. Jarraian, Iker Magrok egin duen ikerketa bitxi baten berri ere izango dugu: Mundu klasikoak heavy metal musikan duen presentzia aztertu du.

12:00etan, Ekogunea tartea zabalduko duguItsaso Olaizolarekin, eta Emausen enkante solidariora hurbilduko gara. Azkeneko astea du. Saioa amaitu aurretik, gainera, Tania Arriagaren showa ere izango dugu.

7:00etatik 13:00era, martxan izango dugu 'Faktoria'.