Durangoko Azokaren irekierari jarraipen berezia, 'Faktoria'n

Ostiralean zabalduko ditu ateak 51. Durangoko Azokak, eta 'Faktoria' bertan izango da, unitate ibiltariaren bidez, han gertatzen den guztiari jarraipena egiteko.

07:00etan hasiko da saioa, eguneko albiste nagusien errepasoa eginez. 08:00etan, Maite Artolak hartuko du albistegiaren gidaritza, eta Aitziber Atorrasagastirekin hitz egingo dugu, Gerediaga elkarteko kudeatzailearekin, alegia. 08:30ean, solasaldian izango dira Iñaki Galdos analista politikoa, Felipe Juaristi idazle eta kazetaria, eta Eguzki Urteaga soziologoa. Gainera, GuraSOSeko kide Joseba Belaustegirekin arituko gara. 09:30 aldera, Jon Sarasuaren tartea izango dugu, eta, jarraian, Argizaiola saria jasoko duen Patxika Erramuzperekin hitz egingo dugu.

10:00etatik, berriz, Manu Etxezortuk hartuko du lekukoa. Lehenik eta behin, UEUk antolatzen duen Txiotesia lehiaketa irabazi duen Uxoa Iñurrietarekin ariko gara solasean. Onena izan da bera tesia 6 txiotan laburtzen. Ondoren, asteko titular onenen analisia egingo digu Mikel Garciak. 10:30ean, sartu-irtena egingo dugu Durangon, Amaia Artetxerekin. Horren ostean, kirol aurrerapena entzungo dugu, eta Urdaibai Bird Center-eko Edorta Unamuno sartuko zaigu.

11:00etan, Durangora joko dugu berriz ere. Amaia Artetxek alboan izango ditu Willis Drummod taldeko kdieak. 11:30ean, Garbiñe Agiriano psikologoaren kontsulta zabalduko dugu, eta 'Zelebrititularrak' ekarriko dizkigu Lierni Ibargutxik.

12:00etan, asteburuan 'Amarauna' irratsaioan izango dituzten edukien berri emango digu Nagore Telleriak. saioa amaitu aurretik, bestalde, Ane Muñozen zinema gomendioa entzungo dugu.

07:00etatik 13:00etara, lanean arituko da 'Faktoria'.