Urkullu lehendakariari elkarrizketa, astelehenean, 'Faktoria'n

Iñigo Urkullu lehendakaria elkarrizketatuko du Maite Artolak astelehenean, 'Faktoria' saioan. Radio Vitoriako estudioan aurrez aurre izango dira biak. Gainera, Altsasuko auziari begira ere jarriko gara. Magazinean, bestalde, urdaiazpiko moztaile batekin hitz egingo dugu, eta El Mayorazgo de Basterretxe euskal film mutua ere izango dugu hizpide.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza, eta Niko Cuenca ekonomistaren azalpenak entzungo ditugu. 08:30ean, solasaldian izango dira Joxe Juan Gonzalez De Txabarri, Martin Garitano eta Jesus Prieto.

09:00etan, Iñigo Urkullu lehendakaria elkarrizketatuko du Artolak. Saioa amaitu aurretik, gainera, Bernardo Atxagaren sinadura izango dugu.

10:00etan, 'Faktoria Magazina' jarriko du martxan Manu Etxezortuk. Hasteko, Jose Mari Barriola urdaiazpiko moztaile eta harakinaren hitz egingo dugu Gabon hauetarako urdaiazpiko ona nola bereizi jakiteko. Kirol aurrerapenaren ostean, Martin Gartziandia Gasteizko sindikoa arituko zaigu. 11:00etako ordua kirol solasaldiarekin hasiko da. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. Jarraian, astelehenean bertan El Mayorazgo de Basterretxe euskal film mutua estrenatu zutela 88 beteko direnez, filma berriz eskainiko dute kontzertu batekin. Alberto Arizkorreta Kresala zineklubekoa eta Ana Belen Garcia kontzertua eskainiko duen pianista izango ditugu gurekin.

12:00etan, Ekogunearen leihoa zabalduko dugu Mikel Insaustirekin, 2016ko balantzea eta erronkak iznago ditugu hizpide. Bestalde, SOS respira kanpainaren berri emango digu Nerea Suarezek, jatetxeetan inor itotzea galarazteko. Saioa amaitu aurretik, gainera, Tania Arriagaren showa ere izango dugu.

7:00etatik 13:00era, martxan izango dugu 'Faktoria'.