Albisteak
Urtarrilak 4
Ruper Ordorika, asteazkenean, 'Faktoria'n
G.U.
EiTB
Guria ostatua disko berriaz arituko da, Donostiako kontzertuaren atarian. Gainera, Xabier Alkortarekin ekonomia eta finantza erakundeen aurrikuspenez hitz egingo dugu.
Ruper Ordorika izango da asteazken honetan 'Faktoria' saioko gonbidatu nagusia. Guria ostatua disko berria besapean hartuta etorriko da, Donostiako kontzertuaren atarian. Gainera, abier Alkortarekin hitz egingo dugu ekonomia eta finantza erakundeen aurrikuspenez.
07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du gidaritza. 08:30ean, solasaldian izango dira Javier Diaz Noci, Eguzki Urteaga eta Hedoi Etxarte.
09:00etan, kannabis erabiltzaileen elkartearen babes helegiteaz hitz egingo dugu Martin Barriusorekin. Etxebizitzen garestitzeaz ere arituko gara, eta 09:30ean, Xabier Alkortarekin ekonomia eta finantza erakundeen aurrikuspenez hitz egingo dugu. Hil berri den Sanchez Asiainen heriotzari buruz galdetuko diogu.
10:00etan, Manu Etxezortuk hartuko du lekukoa. Hasteko, Kau Kori Kura proiektua ezagutuko dugu Mikel Aizpurua musikariarekin. Youtubeko bideo musikalen fenomeno bihurtuta dago Kau Kori Kura, surrealismotik abiatuta bazterrak nahasten artistak dira. Kattalin Minerren tartea entzungo dugu, eta, ondoren, kirol aurrerapena izango dugu. Juanjo San Miguel lankideak iraultza errusiarraren mendeurrena izango du hizpide.
11:00etan, Ruper Ordorika musikariaren bisita izango dugu. Guria ostatua disko berriz hitz egingo digu, Errege Egunez Donostian emango duen kontzertuaren atariko. 11:30ean, Arantzazu Fernandezekin solasean arituko gara, ikasteko leku isilen faltaz.
12:00etan,Ander Olaizola argazkilaria elkarrizketatuko dugu Esentzia liburuaz. Saioa amaitzeko, Imanol Ituiñoren irrati-magia izango dugu.
07:00etatik 13:00etara izango dugu martxan 'Faktoria'.
oria'.