'Eguna' egunkariaren 80. urteurrena, 'Faktoria'n

Eguna egunkariak 80 urte bete dituela eta, egunkariari buruz doktore tesia egin duten Maria Gonzalez Gorosarri eta Jabier Diaz Noci izango ditugu gurean asteazken honetako 'Faktoria' saioan. Bestalde, Jon Azkue Lan sailburuordearekin hitz egingo dugu.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du gidaritza. Hasteko, Niko Cuenca ekonomistak hartuko du hitza, Suitzan bukatzear den bankuetako sekretuaz hitz egiteko. 08:30ean, solasaldian izango dira Javier Arrieta, Eguzki Urteaga eta Hedoi Etxarte. Jarraian, Jon Azkue Lan sailburuordearekin hitz egingo dugu.

09:00etan, kanabis erabiltzaileen elkartearen babes helegiteaz hitz egingo dugu Martin Barriusorekin. Etxebizitzen garestitzeaz ere arituko gara, eta, 09:30ean, Orkestrako Mikel Navarrorekin arituko gara Europako eskualdeen arteko mugaz gaindiko lankidetzaz, eta, ondoren, Erik Etxart elkarrizketatuko dugu. Elkarreko ingeniaritza arduraduna da, eta Maulen, Baionan eta Ordizian aritzen da lanean.

10:00etan, Manu Etxezortuk hartuko du lekukoa. Hasteko, Durangoko adinekoek egin duten mannequin challenge-az arituko zaigu Amaia Artetxe. Gainera, pixoihalak birziklatzeko egitasmoa ezagutuko dugu Olaia Mendozarekin. Kattalin Minerren tartea entzungo dugu, eta, ondoren, kirol aurrerapena izango dugu. Juanjo San Miguel lankideak Zipre izango du hizpide.

11:00etan, 'Euskalduna naiz eta  zu?' ETB1eko saio berriaz arituko zaigu Nerea Arriola, Supertxope. Segidan, Eguna egunkariaren 80. urteurrenaz hitz egingo dugu egunkari horri buruzko doktore tesia egin duten Maria Gonzalez Gorosarrirekin eta Jabier Diaz Nocirekin. 11:30ean, Arantzazu Fernandezekin eta Amaia Nausiarekin solasean arituko gara.

12:00etan, sagardoa izango dugu ardatz, txotx denboraldi berriaren atarian. Saioa amaitzeko, Imanol Ituiñoren irrati-magia izango dugu.

07:00etatik 13:00etara izango dugu martxan 'Faktoria'.