Iñaki Garciñuno, CEBEKeko presidentea, asteazkenean, 'Faktoria'n

Iñaki Garcinuño, CEBEK Bizkaiko enpresari elkarteko presidentea, izango da asteazken honetako 'Faktoria' saioko gonbidatua. Bestalde, hotz siberiarraren eraginei ere erreparatuko diegu. Gainera, Edorta Santos ikertzaile izango dugu, 2012an hil zen Ainhoa Murua ikertzaile gaztearen lankidea, eta pediatra falta ere sakon aztertuko dugu.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du gidaritza. Lehen-lehenik, hotza hizpide hartuta, Edurne Eginorekin, Iruñeko Gizarte Gaietarako zinegotziarekin hitz egingo dugu. 08:30ean, solasaldian izango dira Javier Arrieta, Eguzki Urteaga eta Hedoi Etxarte.

09:15ean, Iñaki Garcinuño CEBEKeko presidentea elkarrizketatuko dugu. Ondoren, ekonomia tartea zabalduko dugu. Ekai centerreko zuzendar Adrian Zelaiarekin hitz egingo dugu, eta, gainera, hastear den FITUR turismo azokari tartea eskainiko diogu: Nafarroako eta Euskal Autonomia Erkidegoko turismo zuzendariak elkarrizketatuko ditugu.

10:00etan, Manu Etxezortuk hartuko du lekukoa. Hasteko, Mungiara begira jarriko gara, San Antontxu ospatzen dutelako bertan. Kattalin Minerren tartea entzungo dugu, eta, ondoren, kirol aurrerapena izango dugu. Juanjo San Miguel lankideak uraren garrantzi estrategikoa izango du hizpide.

11:00etan, Edorta Santos ikerlaria izango da gurekin, Ainhoa Murua 2012an hil zen ikertzaile gaztearen lankidea. Muruaren tesia oso baliagarria izaten ari da ikerkuntzan. 11:30ean, Arantzazu Fernandezekin eta Amaia Nausiarekin solasean arituko gara, ikasteko leku isilen faltaz.

12:00etan, pediatrak hartuko ditugu ardatz. Izan ere, pediatrak falta dira Euskal Herrian, Lea Artibain esaterako. Gaia sakon aztertuko dugu. Jarraian, aktualitatea puri-prian ekarriko digu Jon Sanchezek, eta saioa amaitzeko, Imanol Ituiñoren irrati-magia izango dugu.

07:00etatik 13:00etara izango dugu martxan 'Faktoria'.