Albisteak
Martxoak 1
Tolosako 'Mariano Rajoy', asteazkenean, 'Faktoria'n
G.U. | ERREDAKZIOA
Gainera, Joseba Egibar Gipuzkoa Buru Batzarreko presidentea elkarrizketatuko du Maite Artolak.
Bideoak (1)
Informazio gehiago (2)
Mariano Rajoy Espainiako presidentea Tolosako inauterietan ibili da bere paseo biziak eginez. Asteazken honetan, 'Faktoria' saioan kontatuko digu zer moduz ibili den. Bestalde, Joseba Egibar Gipuzkoako Buru Batzarreko presidente eta legebiltzarkidea elkarrizketatuko du Maite Artolak, eta, ekonomiaren tartean, robotikak desagerraraziko dituen lanbideez arituko da Beatriz Plaza ekonomialari eta EHUko irakaslea.
07:00etan hasiko da saioa, eguneko albiste nagusien errepasoarekin. 08:00etan, Maite Artolak hartuko du gidaritza. 08:30ean, solasaldian izango dira Javier Arrieta, Hedoi Etxarte eta Eguzki Urteaga. 09:00etako albiste errepasoaren ostean, Joseba Egibar elkarrizketatuko dugu. 09:30ean, ekonomia tartean, Beatriz Plaza aditua arituko da robotikak desagerraraziko dituen lanbideez. 09:45ean, Koldo Almandozen zinema tartea izango dugu.
10:00etan, Manu Etxezortuk hartuko du lekukoa. Hasteko, Tolosara joko dugu, Inauterietan bertan pasiatzen ibili den 'Mariano Rajoy'rekin hitz egiteko. Gainera, oliba olioa inoiz baino garestiago dagoela konturatuko zineten. Alberto De Los Arcos ekoizleari galdetuko diogu hori zergatik den. Jarraian, Kattalin Minerren gogoeta entzungo dugu. Kirol aurrerapena izango dugu ondoren, eta Juanjo San Miguel lankideak Ipar Koreaz eta Ipar Irlandaz hitz egingo digu.
11:00etan, bitxikeria baten berri jasoko dugu: zozo batek Oñatiko kaleko balkoi batean egin du habia. Ondoren, gogoan hartu beharreko pianista gazte bat ere ezagutuko dugu, Jon Urdapilleta. 20 urte ditu, Londresko Royal Academy of Music eskola entzutetsuan ari da ikasten. Bera da Donostiako Musika Hamabostaldian bakarka pianoa jon duen artistarik gazteena. 14 urterekin jo zuen. 11:30ean, Arantzazu Fernandezekin eta Amaia Nausiarekin berriketan arituko gara, gosariez.
12:00etan, Geure kolkotik 16 diskoaz hitz egingo dugu, Itsaso Elizagoienekin, Xabier Etxanizekin eta Josu Arrizabalagarekin. Saioa amaitzeko, Imanol Ituiñoren irrati-magia izango dugu.
07:00etatik 13:00etara izango dugu martxan 'Faktoria'.
trong>
