Euskadi Turismoren esperientzia baten zozketa, 'Faktoria'n!

Euskadi Turismok esperientzia bat baino gehiago eskaintzen du, urteko edozein unetan bizi ahal izateko. 'Faktoria'k esperientzia horietako bat zozkatuko du ostiralean. Esperientzia bat baino gehiago topa daitezke Euskadi Turismoaren %100 Basque atalean, esate baterako, Irungo Oiasso Museoa ezagutu, handik tren dotore batean Aiako Harriko Irugurutzetaraino joan, Arditurriko mehatzetan ibili… Edo beste aukera bat Bermeon. Hegaluze ontzia hartu, Gaztelugatxe itsasotik ezagutu, Izaro uharteren inguruan ibili, eta Mundakaraino iristea, Urdaibaitik barrena… Gero, Bermeoko pilotalekuan frontoiari lotutako anekdotak eta abar ezagutuz, pilotariengandik kirol horri buruzko datuak jasotzea.

Aste osoan egingo dugu lehiaketa, eta parte hartu nahi duenak POSTAL bat bidali beharko digu. Helbidea: Euskadi Irratia, Faktoria, Miramon Pasealekua 172, 20014 DONOSTIA.

Ostiralean egingo dugu zozketa, iristen diren postalen bidaltzaileen artean.

Esperientziei buruz gehiago jakin nahi duenak klik egin dezala https://turismo.euskadi.eus/experiencias_100_basque/ helbidean.