Konbertsazioaren kulturaren galeraz solasaldia, astelehenean, 'Faktoria'n

Asteleheneko 'Faktoria' abiatzerako aukeratuta egongo da Frantziako errepublikako presidente berria. Allande Boutin, Eguzki Urteaga eta Maite Ubiriarekin batera aztertuko ditu Maite Artolak bezperako emaitza denak. Jasoko ditugu, baita ere, Mixel Etchebest Mauleko auzapez eta Euskal Elkargoko Lurralde Antolamenduko arduradunaren erreakzioa, Fronte Nazionaleko eta En Marche-ko jarraitzaileen iritzia eta, baita Anais Funosas Bake Bideako ordezkariarena ere. Gainera, oso bestelako solasaldian sartuko gara, hain zuzen ere, elkarrizketaz, entzuteaz eta enpatia gaitasunaz hitz egiteko. Teknologiaren aroan, konbertsazioaren kultura galtzen ari ote den galdetuko diegu Joxerra Gartziari, Bernardo Atxagari eta Idurre Alonsori, MUko mintzairaren ikerguneko ikerlariari. Bestalde, Azkue Fundazioaren 'Blogetan' leihaketa irabazi du kultura atalean Castillo Suarez idazle, poeta eta euskara teknikariak 'Iparraldeko neska' blogarekin, eta harekin hitz egingo dugu.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. Hasteko, Mixel Etchebest Mauleko auzapezarekin solastuko gara.Frantziako hauteskunde presidentzialetako emaitzez. 08:30ean, Allande Boutin, Eguzki Urteaga eta Maiet Ubiriarekin aztertuko ditugu emaitza denak, eta solasaldira batuko zaizkigu Macronen jarraitzaile Patxi Noblia, Bake Bideako Anais Funosas eta Fronte Nazionaleko Beñat Oihenart. 09:45etatik aurrera, konbertsazioaren heriotzaz solasaldian ariko gara Joxerra Gartziarekin, Bernardo Atxagarekin eta Idurre Alonsorekin.

10:00etan, 'Faktoria Magazina' jarriko du martxan Manu Etxezortuk. Hasteko, Castillo Suarezekin hitz egingo dugu. Jarraian, Maysharen tartea izango dugu. Kirol aurrerapenaren ostean, Martin Gartziandia Gasteizko sindikoarekin, ondorengo gaia aztertuko dugu: kalean bizitzea legezkoa al da?

11:00etako ordua Frantziako hauteskundeei begira hasiko dugu, Parisen bizi den Euken Ostolazarekin. Kirol solasaldiarekin hasiko da gero. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. 11:30 aldera, Joseba Kamio publizistak garagardo markak izango ditu hizpide.

12:00etan, Kutxa Ekogunearen tartea zabalduko dugu gero Maitane Alvarezekin, etxean xaboi naturalak egiten ikasteko. Ondoren, birika txertatu eta urtebetera, dena ondo doalako, Birika festa antolatu zuen Karmen Altunak bere istorioa ezagutuko dugu. Saioa amaitu aurretik, jakina, Tania Arriagaren tartea izango dugu.

07:00etatik 13:00era, martxan izango dugu 'Faktoria'.