Albisteak
Maiatzak 10
Zubietako erraustegiaren aldekoak eta kontrakoak, asteazkenean, 'Faktoria'n
G.U. | ERREDAKZIOA
Kepa Olaizekin, Erraustegiaren kontrako mugimenduko bozeramailearekin, eta Jose Ignacio Asensiorekin, Gipuzkoako Ingurumen diputatuarekin, hitz egingo dugu.
Ostegunean hastekoak dira Zubietako erraustegia egiteko lanak. Hori dela eta, tarte berezia izango dugu 'Faktoria' saioko solasaldian: Kepa Olaiz, Erraustegiaren kontrako mugimenduko bozeramailea, eta Jose Ignacio Asensio Gipuzkoako Ingurumen diputatua izango ditugu. Gainera, Ikergazte kongresua, prosopagnosia eta Akelarreren 'Magaly' kanta ere izango ditugu hizpide.
07:00etan hasiko da saioa, eguneko albiste nagusien errepasoarekin. 08:00etan, Maite Artolak hartuko du gidaritza. Hasteko, Niko Cuenca ekonomistarekin hitz egingo dugu. 08:30ean, aktualitateak dakartzanen errepasoa egingo dugu Javier Arrieta, Mikel Aramendi eta Hedoi Etxarte solaskideekin. 09:00etatik aurrera, Zubietako erraustegia izango dugu hizpide. 09:30ean, ekonomia tartean, Adrian Zelaia Ekai Centerreko zuzendariarekin batera, Ernesto Garcia Fagor Ederlaneko marketin arduraduna gonbidatu dugu. Asteazkenero zinemari eskaini ohi diogun tartean, Briggitte Trogneux Emmanuel Macronen emazteari buruz esandakoei begiratuz, bi pelikula ekarriko dizkigu Koldo Almandozek.
10:00etan, Manu Etxezortuk hartuko du lekukoa. Hasteko, belaontzian bizi den petsona bat ere ezagutuko dugu, Lazaro Lartzabal. Eguzkirako kremaren iraungitzeaz ariko gara, eta, jarraian, Kattalin Minerren gogoeta entzungo dugu. Kirol aurrerapena izango dugu ondoren, eta Juanjo San Miguel lankideak Aljeriaz hitz egingo digu.
11:00etan, UEUren Ikergazte kongresua hasiko da Iruñean. Ania Ibarguren nekazaritza ingeniari teknikoak oilategi konpostagailuaz egin duen ikerketa ezagutuko dugu, besteak beste. 11:30ean, Arantzazu Fernandezekin berriketan arituko gara, eta prosopagnosia trastornoa ezagutuko dugu.
12:00etan, Akelarre taldearen 'Magaly' abestiaren barrenak ezagutuko ditugu. Gainera, gor izan ostean entzun ahal izan duen pertsona baten testigantza ere jasoko dugu. Mikel Korkostegik kontatuko digu bere esperientzia. Saioa amaitzeko, Imanol Ituiñoren irrati bidezko magia izango dugu.
07:00etatik 13:00etara izango dugu martxan 'Faktoria'.
oria'.