Albisteak
Gai nagusiak
Itxaso Atutxa, Bizkai Buru Batzarreko presidentea, ostiralean, 'Faktoria'n
Mugarik Gabeko Medikuen lana ezagutuko dugu, bizkarrezurreko atrofia muskularra duen neska baten aldeko jaiaren berri izango dugu, eta Donostiako Hipodromoari eta Araba Euskarazi tartea egingo diegu.
Itxaso Atutxa EAJko Bizkai Buru Batzarreko presidentea izango dugu bihar gonbidatu 'Faktoria'ko elkarrizketa politikoan. 09:00etan dugu hitzordua berarekin. Gainera, Mugarik Gabeko Medikuen lana eta elkarte horretako profesionalena ezagutuko dugu, Aritz Lopez Trekuren bitartez. Lopez Treku lezoarra logista lanetan aritzen da gobernuz kanpoko erakunde horretan. Besteak beste, Sierra Leonan, Etiopian, Kongon, Indonesian eta Mexikon aritu da zeregin horietan. Magazinean, gainera, Donostiako Hipodromoan izango gara, Araba Euskarazi buruzko azken xehetasunak jasoko ditugu, eta Bizkarrezurreko Atrofia Muskularra duen Bergarako neskatila baten istorioa ere ezagutuko dugu. Horren aldeko eguna antolatu dute.
Saioa 07:00etan hasiko da, eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. 08:30ean, Maite Ubiria, Edurne Egaña eta Felipe Juaristi izango ditugu solasaldian. 09:00etan, Itxaso Atutxarekin hitz egingo dugu. 09:30 aldera, Aritz Lopez Trekurekin hitz egingo dugu Mugarik Gabeko Medikuen lanaz. Saioa amaitzeko, Jon Sarasuaren gogoeta entzungo dugu.
10:00etan, Manu Etxezortuk hartuko du lekukoa. Hasteko, Mikel Gartziak eta Jurdan Arretxek asteko titularrak aztertuko dituzte. Kirol aurrerapena egin ondoren, Urdaibai Bird Center zentroarekin bat egingo dugu, Edorta Unamunorekin hitz egiteko.
11:00etan, Donostiako Hipodromoan izango gara. Denboraldia hasi berritan, bertako giroan sartuko da Gorka Otaegi lankidea. Zaldi lasterketak, apustuak, zaleak… Peio Urtasun gerentearekin dugu hitzordua. 11:30ean, bizkarrezurreko atrofia muskularra duen Bergarako neskatila baten istorioa ere ezagutuko dugu, horren aldeko eguna antolatu baitute. Ondoren, Araba Euskarazen azken xehetasunak jasoko ditugu. Bastidan izango da, igandean, eta Anjel Olalde koordinatzaileak kontatuko digu nola doazen jaia prestatzeko lanak.
12:00etan, Nagore Telleriak asteburuan 'Amarauna' saioan izango dituzten eduki nagusien aurrerapena egingo digu. Ondoren, Ane Muñozen film proposamena entzungo dugu, eta zinema karteldegiari ere begiratuko diogu.
07:00etatik 13:00etara arituko da lanean 'Faktoria'.
oria'.