Manu Ayerdi, nafarroako Gobernuko lehendakariordea, ostiralean, 'Faktoria'n

Manu Ayerdi, Nafarroako Gobernuko Garapen Ekonomikorako lehendakariordea, izango da ostiralean, 'Faktoria'ko gonbidatu nagusia. Ayerdik, goizeko 09:00etatik aurrera erantzungo ditu Maite Artolak egingo dizkion galderak. Elkarrizketa politikoaren ondoren, musika ekitaldi handiek Euskal Herrian sortzen duten turismo joeraz arituko dira Arkaitz Millan Basquetourreko zuzendariarekin eta hainbat jaialdietako arduradunekin hitz egingo dugu. Gainera, Global Training bekez hitz egingo dugu, eta soinu kutxan, urteko akatsak errepasatuk ditugu.

Saioa 07:00etan hasiko da, eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. Hasteko, Irungo Alardeari begira jarriko gara. 08:30ean, Maite Ubiria, Edurne Egaña eta Felipe Juaristi izango ditugu solasaldian. 09:00etan, Manu Ayerdirekin hitz egingo dugu. 09:30 aldera, musika ekitaldi handiek turismoan duten eraginaz ariko gara Basquetourreko zuzendari Arkaitz Millanekin eta Gasteizko Jazzaldiko zuzendari Alberto Ibarrondorekin. Saioa amaitzeko, Jon Sarasuaren gogoeta entzungo dugu.

10:00etan, Manu Etxezortuk hartuko du lekukoa. Hasteko, Joseba Kamio publizitate adituarekin denda txikiek nola saldu aztertuko dugu. Kirol aurrerapena egin ondoren, Urdaibai Bird Center zentroarekin bat egingo dugu, Edorta Unamunorekin hitz egiteko.

11:00etan, asteburuan izango den Tolosand Blues jaialdiaz ariko gara Iñigo Martinekin. Jarraian, Global Training bekez hitz egingo dugu Sergio Fidalgo arduradunarekin eta Estitxu Goya ikaslearekin. 11:30ean, Garbiñe Agiriano psikologoaren tartea zabalduko dugu, eta, ondoren, Ane Muñozen film proposamena entzungo dugu

12:00etan, Nagore Telleriak asteburuan 'Amarauna' saioan izango dituzten eduki nagusien aurrerapena egingo digu. Zinema karteldegiari ere begiratuko diogu.

07:00etatik 13:00etara arituko da lanean 'Faktoria'.