Altsasuko gurasoak, ostiralean, 'Faktoria'n

Igandean beteko da urtea Altsasuko Koxka tabernako gertakarietatik. Hiru gazte daude kartzelan, eta epaiketaren zain dago kausa. Urte honetan bizitutakoen testigantza ematera etorriko zaizkigu gurasoetako bi 'Faktoria' albistegira: Isabel Pozueta eta Gotzon Urrizola. Gainera, Miren Garmendia Gipuzkoako Arrantza Kofradiako idazkaria ere espero dugu. Hegaluzearen kanpaina itxi biharamunean egingo digu balantzea. Magazinean, gainera, Miss España Plus Size lehiaketa irabazi berri duen Janire Azkueta bilbotarrarekin hitz egingo dugu, eta Nafarroa Oinez eta Xalbador Eguna jaiei begira ere jarriko gara.

07:00etan hasiko da albistegia. Eguneko berri nagusien errepasoa egin ondoren, 07:50ean Maite Artolak hartuko du lekukoa. Ordua ixteko, Fabian Laespadaren iritzi tartea entzungo dugu. 08:30ean, solasaldian izango ditugu Hedoi Etxarte, Maite Ubiria eta Amaia Espinosa. 09:00etako albiste errepasoaren ondoren, Altsasuko gurasoak elkarrizketatuko ditugu. Ordua amaitzeko, hegaluzearen kanpainaz hitz egingo dugu Miren Garmendiarekin, Gipuzkoako Arrantza Kofradiako idazkariarekin.

10:00etan hartuko du lekukoa Manu Etxezortuk. Magazinaren hasieran, astearen prentsa errepasoa egingo digute Jurdan Arretxek eta Mikel Garciak. 10:30 aldera, Lesakara joko dugu. Nafarroa Oinez jaia izango da igandean bertan, eta azken ordukoak zer moduz doazen galdetuko diegu antolatzaileei. 11:00etako kirol aurrerapenaren ondoren, Janire Azkuetarekin hitz egingo dugu, taila handien Espainiako Miss txapelketa irabazi berritan. 11:30 aldera, Ane Muñozen bizitza pasadizoak entzungo ditugu. 11:45ean, Xalbador Egunaz hit egingo dugu antolatzaileekin.

12:00etan asteburuan 'Amarauna' saioan landuko dituzten gaiak aurreratuko dizkigu Nagore Telleriak. Ondoren, Urdaibai Bird Centerrera joko dugu Edorta Unamunorekin, eta zinema karteldegiaren berri ere emango dugu

07:00etatik 13:00etara, martxan izango da 'Faktoria'.