Gutako bakoitzak munduan uzten duen karbono aztarnaz,'Faktoria'n

Gutako bakoitzak munduan uzten duen karbono aztarna zenbatekoa den jakiteko aplikazioa sortu nahi dute Donostian, Easo Politeknikoan. Horren berri emango digu astearteko 'Faktoria'n Kristina Glaria irakasleak.Gainera, L´oreal Unesco for Women in Science saria irabazi duen ikerlaria, Maia Garcia-Vergniory, eta bere ikerketa lana ezagutuko ditugu, eta Aitziber Garmendia aktorearen hozkailua arakatuko dugu.

07:00etan hasiko da albistegia, Iñigo Alustizak gidatuta. 07:55 aldera, Maite Artolak hartuko du albistegiaren gidaritza, eta Amatiñoren zutabea entzungo dugu. 08:00etan, Niko Cuencaren ekonomia tartean, Bitcoinaz hitz egingo dugu, goia jo baitu. 08:30ean, aktualitateko gaiak jorratuko dituzte Iñaki Galdosek, Maite Ubiriak eta Iker Riojak, solasaldian. 09:30ean, Ana Mazos abokatuarekin hitz egingo dugu. Indarkeria matxistaren kontrako estatu itunean parte hartu du. 10:00etarako bidea Itxaso Mendiluze arte komisarioarekin egingo dugu.

10:00etan, Manu Etxezortuk hartuko du gidaritza, magazinari ekiteko. Hasteko, karbono arrastoaz ariko gara. Jarraian, Maysharen tartea entzungo dugu. 10:30ean, 'Ekosfera' tartea zabalduko dugu Jokin Aldazabalekin.

11:00etako kirol aurrerapenaren ondoren, Irulegiko gazteluan egin dituzten lan arkeologikoen aurkezpena egingo digu Aranzadiko Juantxo Agirrek. Nerea Ibarzabal, Xabier Amuriza eta Karlos Ciden tartean Euskaraldiaz ariko gara.

12:00etan, 'Sukaldari Dema'n, Aitziber Garmendia musikari eta abeslariaren hozkailua arakatuko dugu, eta han aurkitutakoarekin osatu beharko dute menua Pili Manterolak eta Igor Zalakainek. 12:30ean, bestalde, L´oreal Unesco for Women in Science saria irabazi duen Maia Garcia-Vergniory ezagutuko dugu.

07:00etatik 13:00etara, martxan izango da 'Faktoria'.