Iker Casanova EH Bilduko legebiltzarkidea, 'Faktoria'n

Iker Casanova EH Bilduko legebiltzarreko bozeramailea elkarrizketatuko dugu osteguneko 'Faktoria albistegian, Jaurlaritzaren 2018ko aurrekontuen inguruan. Bestetik, Internet bidezko erosketak tarteko, gainezka dabiltzan banaketa enpresen lan martxa gertutik ezagutuko dugu eta, ostegunero bezala, Ibon Sarasolaren hizkuntza aholkularitza ere izango dugu. Magazinean, gainera, taxi gidari batekin egingo dugu bidaia, euren lana, kezkak eta arazoak ezagutzeko eta, Eguberri atarian, Elikagai Bankuetarako egiten diren janari bilketak aztertuko ditugu.

07:00etan hasiko da saioa, Iñigo Alustizaren gidaritzapean. 07:50 aldera, Maite Artolak hartuko du lekukoa. Ordua amaitzeko, Aingeru Epaltzaren sinadura entzungo dugu. 08:30ean, Nerea Azurmendi, Martxelo Otamendi eta Joseba Arruti izango ditugu solasaldian, aktualitateari errepasoa egiten. 09:00etako albiste errepasoaren ondoren hitz egingo dugu Iker Casanova EH Bilduko legebiltzarkidearekin. 09:20 aldera, Ibon Sarasolaren euskara gomendioak jasoko ditugu. 09:30ean, Internet bidezko erosketei lotuta banaketa enpresek duten lanari buruzko erreportajea entzungo dugu.

10:00etan, Manu Etxezortuk hartuko du lekukoa, magazina martxan jartzeko. Hasteko, gramatika erakargarri egingo digu Beatriz Fernandezek. Jarraian, taxilarien grebari lotuta, euren lana gertutik ezagutu nahi izan dugu, eta Olaia Urtiagak grabatutako erreportajearen lehen zatia entzungo dugu. 10:30ean, Filosofiaren Historia gaurkotua ekarriko digu Markos Zapiainek. 11:00etako kirol aurrerapenaren ondoren, Mikel Chamizok jola bat planteatuko digu: Katalunia independiente balitz, nola geratuko litzateke espainiako musikologia?

12:00etan, taxilariarekin grabatutako elkarrizketaren bigarren zatia entzungo dugu, eta ondoren, Elikagai Bankuetako janari bilketaren berri emango dugu. Iparraldekoa bukatuta dago, eta, hegoaldekoa, hastear. 12:30ean, Amancay Gaztañaga entzungo dugu musikaz eta bizitzaz hizketan.