Mikele Grande transexuala,'Faktoria'n Nafarroako Gaztedi Saria jaso berritan

Ostiral honetan, Mikele Grande transexuala izango dugu 'Faktoria'n, Nafarroako Gobernuaren Gaztedi Saria jaso berritan. Gainera, hiesaren kontrako borrokaren nazioarteko eguna izanda, GIB birusa hautemateko proba azkarra egitera joango gara botika batera, eta Hiesaren kontrako Bizkaiko Herri Batzordeko eta Gehituko ordezkariekin  hitz egingo dugu. Bestalde, patata-tortillaren jatorri nafarra egiaztatzen duen agiriaz hitz egingo digu Juan Inazio Hartsuaga antropologoak, eta WhatsApp bidezko Kopla Txapelketako bosgarren finalista ezagutuko dugu.

07:00etan hasiko da albistegia, Iñigo Alustiza gidari. Eguneko berri nagusien errepasoa egin ondoren, 07:50 aldera, Maite Artolak hartuko du lekukoa. Ordua ixteko, Fabian Laespadaren iritzi tartea entzungo dugu. 08:30ean, solasaldian izango ditugu Javier Arrieta, Eguzki Urteaga eta Hedoi Etxarte. 09:00etako albiste errepasoaren ostean, Xabier Euzkitzeri egingo diogu elkarrizketa pertsonala. Ostiraleko saioa Iban Zalduak itxiko du, musikaz, astearen errepasoa eginez.

10:00etan hartuko du lekukoa Manu Etxezortuk. Magazinaren hasieran, astearen prentsa errepasoa egingo digute Jurdan Arretxek eta Mikel Garciak; jarraian, patata-tortillaren jatorri nafarraz ariko gara, eta, 10:30 aldera, hiesaren kontrako borrokaren nazioarteko egunaz. 11:00etako kirol aurrerapenaren ondoren, Mikele Grande elkarrizketatuko dugu, eta, 11:30 aldera, Ane Muñozen bizitzako pasadizoak entzungo ditugu. Horren ostean, eta Xabier Sukia lankidearekin, WhatsApp bidezko Kopla Txapelketaren bosgarren finalista aukeratuko dugu.

12:00etan, asteburuan 'Amarauna' saioan landuko dituzten gaiak aurreratuko dizkigu Nagore Telleriak. Gero, Urdaibai Bird Centerrera joko dugu Edorta Unamunorekin, eta zinema-aretoetan ikusgai izango diren lanen berri ere emango dugu.

07:00etatik 13:00etara izango da martxan 'Faktoria'.