Albisteak
Asteartean
'Faktoria', Unibertsitatez kanpoko hezkuntza publikoan deitu den grebari adi
ERREDAKZIOA | G.U.
EiTB Maratoiaren atariko, Donostia Ospitaleko iktus unitateko koordinatzaile Maite Martinezi egingo diogu elkarrizketa. NASAko kideekin hitz egingo duten Donostiako ikasleekin ere izango gara.
-
Hezkuntza grebaren aurreko deialdi batean, 'Murrizketarik Ez' zioen elastikoa. Argazkia: EFE
Asteartean, goizean goizetik erreparatuko diogu 'Faktoria'n Unibertsitatez kanpoko hezkuntza publikoan deitu den grebaren jarraipenari. Gure unitate ibiltariak bertatik bertara kontatuko dizkigu eskoletan gertatzen direnak eta hezkuntza alorreko sindikatuen iritziak ere jasoko ditugu, solasaldian. Gainera, eta EiTB Maratoiaren atariko, Donostia Ospitaleko iktus unitateko koordinatzaile Maite Martinezi egingo diogu elkarrizketa. Magazinean, bestalde, Donostiako SUMMA ALDAPETA ikastetxeko bi ikaslerekin hitz egingo dugu, NASAko kideekin hitz egingo dutelako.
07:00etan hasiko da albistegia, Iñigo Alustizak gidatuta. 07:55 aldera, Maite Artolak hartuko du lekukoa, eta Amatiñoren zutabea entzungo dugu. 08:00etan, OIhane Yuos lankidearekin bat egingo dugu, hezkuntza publikoko eskola batean, eta Errenterian amnistiaren astean hildakoen senitartekoei eskainitako barkamen ekitaldiaren berri ere emango dugu. Gainera, Joseba Barandiaran ekonomia adituaren azalpenak ere entzungo ditugu. 08:30ean, solasaldian izango ditugu Maite Ubiria, Iñaki Galdos eta Iker Rioja. 09:30ean EITB Maratoiari egingo diogu tartea, nostiako ospitaleko iktus unitateko Maite Martinez elkarrizketatuta, eta, ordua ixteko, Itxaso Mendiluze arte komisarioaren tartea entzungo dugu, Sijenako artelanez; hain zuzen ere, Salerosketaz eta espolioaz.
10:00etan, Manu Etxezortuk hartuko du gidaritza, magazinari ekiteko. Hasteko, Donostiako SUMMA ALDAPETA ikastetxeko ikasleek NASAko kideekin hitz egingo dute, eta aukera horri buruz hitz egingo digute bertako bi ikaslek. Maysharen tartea entzungo dugu gero, eta, 10:30ean, belaunaldiz belaunaldi feminismoak izan dituen aldarrikapenei buruzko erreportajea emango dugu.
11:00etako kirol aurrerapenaren ondoren, Nerea Ibarzabal, Xabier Amuriza eta Karlos Ciden tartea izango dugu. Galdera honi erantzungo diote: Zure herriko nori emango zenioke Urrezko danborra?
12:00etan, 'Sukaldari Dema'n, Igor Siguero ETBko lankidearen hozkailuan topatuko dituzten osagaiekin proposatuko dituzte errezetak Pili Manterolak eta Igor Zalakainek. 12:30ean, gainera, Aretxabaletako Aretxarte dendari txikien elkartearen alde egin duten bideoa ezagutuko dugu, Kepa Errasti aktorearekin. Bera da bideoko protagonista.
07:00etatik 13:00etara, martxan izango da 'Faktoria'.
