Iker Lizeaga, NASAn lanean ari den ingeniari andoaindarra, 'Faktoria'n

Iker Lzeaga NASAn lan egiten duen ingeniari andoaindarra etorriko da 'Faktoria'ra. Satelite bat sortzen ari dira, eguzki ekaitzak antzemateko eta Martera joango diren astronautei jakinarazteko, neurriak har ditzaten. Bestalde, Pedro Mari 'Garita'rekin, bere ibilbideaz eta erretiroaz hitz egingo dugu, eta zesta punta berpizteko eta bultzatzeko zer egin litekeen ere galdetuko diogu.

07:00etan hasiko da albistegia. 07:50 aldera, Maite Artolak hartuko du lekukoa, eta Maddalen Arzallusen sinadura izango da. 08:00etan, Joseba Barandiaranen ekonomia tartea entzungo dugu. 08:30ean, Laura Mintegi, Ramon Etxezarreta eta Jose Ramon Beloki arituko dira aktualitateari buruzko analisian, Maite Artola gidari dutela. 09:00etako albisteen errepasoaren ondoren, larunbateko manifestaziora begira jarriko gara Inaxio Oiartzabal sareko kidearekin. Albistegia amaitzeko, Bernardo Atxaga entzungo dugu.

10:00etan, Manu Etxezortuk hartuko du magazinaren gidaritza, eta, hasteko, asteburuko kirol emaitza eta gertakizun guztiak aztertuko dituzte Andoni Urbistondok eta Beñat Zarrabeitiak kirol solasaldian. 10:30ean, Pedro Mari 'garita' elkarrizketatuko dugu. Ondoren, Basauriko 'Eskarabilera' pertsonaiaren burua Normandian agertu dela eta, azalpenak emango dizkigu bertako koadrillen elkarteko arduradunak. 11:00etako kirol aurrerapenaren ostean, itsasgizonen istorioak ekarriko dizkigu Xabier Alberdik, eta, 11:30ean, Iker Lizeagarekin hitz egingo dugu NASAn egiten duen lanaz.

12:00etan, Kutxa Ekogunea tartea zabalduko dugu, eta intsektu-fobia gainditzeko tratamendua izango dugu hizpide. Jarraian, Marokora elkartasun rallyan eskolako materiala eraman eta jaso duten poza kontatuko digu Egoitz Mujikak, eta, saioa amaitzeko, Tania Arriagaren 'Harriadak' entzungo ditugu, eta lehiaketa izango dugu.

07:00etatik 13:00etara izango da martxan 'Faktoria'.