PISA azterketak, 'Faktoria'n

Datorren astelehenean hasiko dira euskal ikastetxeetan PISA azterketak egiten. Araba, Bizkaia eta Gipuzkoako 140 ikastetxetan egin beharko dituzte nazioarteko ebaluazioa test horiek 5.500 ikaslek. Ikastetxe horiek froga honi nola heltzen dioten kontatuko dugu 'Faktoria'k astelehenean eta azterketaren balioaz hitz egingo dute gero, Felix Etxeberria eta Jasone Zenoz EHUko Hezkuntzako katedradunekin.

07:00etan hasiko da albistegia. 07:50 aldera, Maite Artolak hartuko du lekukoa, eta Maddalen Arzallusen sinadura izango da. Jarraian, Eider Aranberri Madrilgo berriemailearekin hitz egingo dugu Altsasuko gazteen epaiketaren atariko.  08:30ean, aktualitateari buruz arituko dira Ramon Etxezarreta, Iñaki Galdos eta Laura Mintegi . 09:30 aldera helduko diogu PISA azterketaren gaiari, eta albistegia amaitzeko, Bernardo Atxaga entzungo dugu.

10:00etan, Manu Etxezortuk hartuko du magazinaren gidaritza, eta, hasteko, asteburuko kirol emaitza eta gertakizun guztiak aztertuko dituzte Andoni Urbistondok eta Beñat Zarrabeitiak kirol solasaldian. 10:30ean, gazteen emanzipazioa bultzatzeko Gaztelagun programari buruzko zalantzak argituko dizkigu Esteban Elola Eusko Jaurlaritzako Etxebizitza Saileko aholkulariak. Eta Maialen Olabe Gazte Kontseiluko galderak erantzungo ditu.

11:00etako albistegiaren ondoren, itsasoaz eta isatsgizonez ariko zaigu Xabeir Alberdi gure aditua, eta, segidan, Izaro eta Oier Markotegi anai-arrebak ezagutuko ditugu. Batek abestu eta besteak bideoklipak egiten ditu eta elkarrekin Youtuberen konkistara abiatu dira.

12:00ak adlera, Barakaldoko mikro-ipuin lehiaketaz hitz egingo digu Itsaso Roteta Kultura zuzendariak. Saioa amaitzeko, Tania Arriagaren 'Harriadak' entzungo ditugu, eta lehiaketa izango dugu.

07:00etatik 13:00etara izango da martxan 'Faktoria'.