Albisteak
Asteartean
Euskal herritarron kultur ohiturak eta kontsumoa hizpide 'Faktoria' saioan
ERREDAKZIOA | G.U.
Aktualitateak dakartzan albiste nagusiak aztertuko dituzte solasaldian, Amatiñok eguneko sinadura jarriko du eta Itxaso Mendiluzek arte gogoeta egingo du.
08:00etan, solasaldian, aktualitateak dakartzan albiste nagusiak aztertuko dituzte Xabier Riezu, Iker Rioja eta Maite Ubiriarekin 'Faktoria' saioan. Eguneko sinadura, berriz, Amatiñok jarriko du 08:00etako albistegiaren aurretik.
09:30ean, euskal herritarron kultur ohitura eta kultur kontsumoari buruz arituko dira. Datuak eta joera nagusiak aztertu dituzte, azken aste hauetan, soziometroak, batetik, eta Elkar Fundazioarentzat SIADECO etxeak egindako inkestak, bestetik. Bateko eta besteko emaitzak aletuko ditu goizeko saioak, Joxean Muñoz Eusko Jaurlaritzako Kultura sailburuordearekin eta Juan Mari Larrarte Elkar argitaletxeko komunikazio arduradunarekin.
09:50ean, Itxaso Mendiluzek arte gogoeta egingo du.
07:00etatik 13:00etara izango da martxan 'Faktoria'.
