'Faktoria' magazina Getxotik zuzenean, hondartza denboraldiaren hasierako egunean

Ostiral honetan, 'Faktoria' magazina Getxoko Ereaga hondartzara joango da, hondartza denboraldiaren hasierako egunean. Besteak beste, Unai Elorriaga idazleak Getxo erakutsiko digu, Unai Gangoiti Bizkaiko Aldundiko Turismo zuzendariarekin hondartza denboraldiaren hasieraz hitz egingo dugu, eta zuzeneko musika izango dugu, The Old Timey String Band taldearekin eta Agus Barandiaranekin.

07:00etan hasiko da albistegia, Igotz Alkortak gidatuta. 07:55 aldera, Iñigo Alustizak hartuko du lekukoa, eta Garbiñe Ubedaren sinadura entzungo dugu. 08:30ean, Iñaki Galdos, Eguzki Urteaga eta Hedoi Etxarte izango ditugu solasaldian, aktualitateari errepasoa egiten. 09:00etan, Nafarroako hizkuntza politikaren kontrako  manifestazioa babestu duten Iñaki iriarte Nafarroako Parlamentuko diputatuarekin eta Amaia Villanueva UGTko antolakuntza idazkariarekin hitz egingo dugu. Saioa amaitzeko, astearen errepaso musikala egingo du Iban Zalduak.

10:00etan hartuko du lekukoa Manu Etxezortuk. Magazinaren hasieran, Getxo bertatik bertara ezagutuko dugu: 10:00etan, Unai Elorriaga idazleak bere bihotzeko Getxo erakutsiko digu. Ondoren, astearen prentsa errepasoa egingo digute Jurdan Arretxek, Mikel Garciak eta Fakun Aznarezek.

11:00etako kirol aurrerapenaren ondoren, The Old Timey String Band taldea entzungo dugu zuzenean, eta, jarraian, Invitational Skate txapelketa izango dugu hizpide, Zuberoa Andrés antolatzailearekin. 11:30ean, hondartza denboraldiaren hasieraz hitz egingo dugu Unai Gangoiti Bizkaiko Foru Aldundiko Turismo zuzendariarekin.

12:00etan, Agus Barandiaran izango dugu bere eksusoinua hartuta zuzenean. Segidan, asteburuan 'Amarauna' saioan landuko dituzten gaiak aurreratuko dizkigu Gari Udabek. Ondoren, Urdaibai Bird Centerrera joko dugu Edorta Unamunorekin, eta zinema-aretoetan ikusgai izango diren lanen berri ere emango dugu.

07:00etatik 13:00etara izango da martxan 'Faktoria'.