Edurne Pasaban elkarriketatuko du 'Faktoria'k

Ohiko albistegiarekin hasiko da astearteko 'Faktoria' goizeko 07:00etan. Formatu laburragoan bada ere, aktualitatea aztertzeko abagunea egongo da, goizeko 08:30etatik 09:00etara. Arreta berezia jarriko zaio Alemaniako Gobernuaren baitan, inmigrazioaren auziak eragindako krisiari. Xabier Riezurekin batera, Maite Sabalza solaskide berria arituko da eginkizun horretan.

09:00etan Gorka Otaegi egongo da udako 'Faktoria Magazine'ko mikrofonoen parean. Saioaren hasieran tendentziak izango dituzte hizpide. Amaia Romero eta gazte eredu berrietaz hitz egingo dute Maddalen Marzol eta Ines Garciak. 09:30ak aldera Donostiara egingo dute salto, eta Aquariumeko komunikazio arduraduna den Xabier Lasaga izango da hurrengo gonbidatua. Bertan dauden marrazo txikiez arituko da berbetan.

10:00ak aldera musikari emango dio ongietorria Gorka Hermosak. Honen ostean, Hondarribian bizi den Sonja alemaniarrarekin hitz egingo dute 'Faktoria'n.

11:00etan Edurne Pasaban alpinista eta Andoni Ollokiegi elkarrizketatuko dituzte. Azkenik, 11:30etatik 12:00ak arte lehiaketan parte-hartzeko aukera egongo da.

07:00etatik 12:00etara izango da martxan 'Faktoria'.