Joseba Asiron, osteguneko 'Faktoria' saioan gonbidatu

Goizeko albisteen ostean, Joseba Asiron Iruñeko alkatea elkarrizketatuko dute "Faktoria" saioan 08:30ean. Txupinazoaren bezperan, Iruñeko Udal Gobernuaren hausturaz gain, sanferminetako prestaketak eta ‘La Manada’ auziaz arituko da Oihane Yustosek egingo dion elkarrizketan.

10:00etan, Gorka Otaegik hartuko du lekukoa, 'Faktoria Magazine' abiatzeko. Joseba Lakarekin teknologia munduan sartuko da. "Egungo teknologiaren garrantzi handia etorkizuneko teknologiarako" izango dute hizpide.

Udako oporretan bete egiten dira jatetxe eta hotelak, baina zenbat eragiten die Interneteko plataformek horrelako lekuei? Horren inguruan hitz egingo dute Xabier Iglesiasek eta Amaia Ocerinek.

Egunero bezala, Maddi Castrok "Blai" saioaren aurrerapena ekarriko du. Auto elektrikoak ere izango ditugu mintzagai. Horretarako, Haritz Macicior CIDETECeko energia-metatze sistemen arduraduna gonbidatu dugu saiora. Ana Goitia ere elkarrizketatuko dute.

Eguzkia hartzerako orduan nola babestu behar garen argituko dute Maider Sierrak eta Eneritz Aulestiak.

Uda alde batera utzi, eta EHUren Udako Ikastaroetan murgilduko gara, Matematika munduan. Eta osteguneko pintxo-poteaz solastatuko da Aitziber Garmendia gure estudioan.

Magazinea amaitzeko, nahi duen guztiak parte hartzeko lehiaketa jarriko dugu martxan.

07:00etatik 12:00etara izango da martxan "Faktoria".