Azukrea: arerio kaltegarri ala ezinbesteko aliatu?

Anne Otegi sukaldariarekin eta Garbiñe Etxaniz makrobiotikarekin azukrearen gainean hitz egin dugu, eta argi esan digute: 'Azukrea, zuria nahiz beltza, pozoia da gure organismoarentzat; hartzekotan, jatorrizkoa, findu gabeko azukrea hartu beharko genuke'. Errezeta bat ere eman digute:

OSAGAIAK:

2 kikara espelta-irin erdi-integral

Kikara bat eta erdi artatxiki-esne

zorrotxo bat legamia

2 koilarakada kakao-hauts

Kafe-koilarakada erdi banilla

Kikara laurden arto-olio

Kikara bat arroz-melaza

Tableta bat txokolate (azukrerik eta esnerik gabe)

Gatz pitin bat

Goiko geruza

Kikara bat ur

Kikara bat artatxiki-esne

2 koilarakada arroz-melaza

Koilarakada bat kakao-hauts

Ontzi batean, irina, legamia eta gatz pitin bat nahasi.

Gero txokolate-tableta eltze batean urtu, eta olioa, esnea, melaza eta banilla erantsi.

Ondoren nahasketa likidoa irinarekin nahasi.

Erretilu bat olioz igurtzi eta orea bertara isuri.

Ondoren eltze txiki batean esnea, ura, melaza eta kakaoa epeldu eta nahasi, eta, kontu handiz, orearen gainetik bota

Azkenik labean egin 35 minutuz, 175 ºC-tan.