Faktoria
Gaur
Euskal Herriko Gazte Orkestra, gaurko ‘Faktoria’n
B.F
EiTB
Gainera, Hedoi Etxarte eta Eguzki Urteaga izango ditugu tertulian.
8:30ean jarriko dugu martxan gaurko‘Faktoria’, Hedoi Etxarte eta Eguzki Urteaga solaskideekin. Jarraian, 9:00ak aldera, Josu Erkoreka Jaurlaritzako bozeramaleari egingo diogu elkarrizketa. 9:30ean, ekonomia solasaldia izango dugu gurean, Niko Errazti eta Adrian Zelaiarekin.
Magazinean, unitate mobilarekin Eibarrera gerturatuko gara, Euskal Herriko Gazte Orkestraren entseguekin zuzeneko konexio eginez. Izan ere, urtarrilaren 3an, 4ean eta 5ean Euskadiko hiriburuetan Charles Chaplinen 'City Lights' filmaren musika zuzenean joko dute, filmaren emankizunarekin batera.
11:00ak aldera, Xabier Landabidea ikerlaria izango dugu ‘Faktoria’n, euskaldunak eta telebista XXI.mendean hizpide dituelarik. 12:00etan, Reyes Prados eta Joxemi Ramirez euskaldun berriekin hitz egingo du Manu Etxezortuk, gainditu berri duten EGA azterketaz, hain zuzen ere.
hain zuzen ere.