Politika eta ikus-entzunezkoak nagusi, asteleheneko ‘Faktoria’n

8:00etan emango diogu hasiera asteleheneko ‘Faktoria’ri, Euskadi Irratiko orduz orduko informazio zerbitzuarekin. Ordu erdi geroago, Joseba Arruti, Xabier Lekuona eta Felipe Juaristi izango ditugu solasean.

9:30ean, Maite Arroitajauregi ‘Mursego’ izango dugu gurean, asteroko kolaborazio musikala egiten. 9:40ean, Teresa Toda SAREko bozeramalea, Angelita Burgoa eta Iñaki Lasagabaster abokatua elkarrizketatuko ditu Maite Artolak, presoen eskubideen gaiaren harira.

Minerita dokumentalak Oscar sarietarako izendapena jaso ostean, Amaia Ramirez produktorea elkarrizketatuko du Manu Etxezortuk, 10:00etatik aurrera, Faktoria Magazinean. 12:15ean, berriz, Jesus Iriondo Etxebarriako alkatearekin hitz egiteko aukera izango dugu, herrian dagoen telefono kabina bakarrari eusteko egiten ari diren ahaleginez.