Izaroren zuzeneko kontzertu akustikoa, ‘Faktoria’n

Izaro Andres abeslari mallabitarraren zuzeneko kontzertu akustikoaz gozatzeko aukera izan dugu ‘Faktoria’n. Kalifornian ikasten egon eta gero, Euskal Herrira itzuli eta aurten aterako duen diskoaz mintzatu da Manu Etxezortu eta Arrate Hernandezekin.

‘Faktoria’n aurreratu digunez, Iker Lauroba eta Oriol Flores musikariekin grabatuko du Izarok bere lehenengo diskoa. Grabaketak martxoan hasiko dituzte eta uda aldera diskoa bukatuta izatea aurreikusten du mallabitarrak. Crowdfunding kanpaina baten bitartez finantzatuko duten diskoaren abestien aukeraketa oso konplikatua izan dela aitortu digu ‘Faktoria’n.

Kaliforniako esperientzia eta etorkizuneko proiektuen berri emateaz gain, ‘Serendipity’, ‘Tu escala de grises’ eta ‘Bizitzak’ abestiak kantatu dizkigu gitarra soinean hartuta.