Bioeraikuntzak eta familia bidaiak hizpide, ‘Faktoria’n

7:00etan abiatuko da asteazkeneko ‘Faktoria’,  albistegiarekin. 8.00etatik aurrera, aktualitateari lotutako elkarrizketak eta eguneko lerro-buruen analisia izango dugu entzungai.

9:00etan, Venezuelan bizi izan den Fabio Gonzalez soziologoarekin hitz egingo dugu, herrialdearen egoeraz. 9:50ean, Maialen Lujanbioren asteroko tartea entzuteko aukera izango dugu.

Magazinean, bioeraikuntzak izango ditugu hizpide, Jokin Aldazabal eta Aitor Axperekin, 'Ekosfera'ren tartean.

11:00etan, sei seme alabak hartuta munduan zehar bidaiatzen ibili den Oier Hiriart elkarrizketatuko dugu. Familia osoarekin Asiara egindako bidaia izango dugu hizpide.