Faktoria
MUSIKA
Itzaletatik, Perlak taldearen diska berria
Lau kidek osatzen dute Perlak taldea. Duela hiru urte sortu zen Zarautzen eta atera duten "Itzaletatik" diska berria aurkeztu digute gaur. Bide batez, euren ibilbidearen berri ere eman digute.
-
24:41 min
Itzaletatik du izena Perlak talde zarauztarraren diska berriak. Taldeko lau partaideak izan ditugu gaurko Faktoria saioan: Ilargi Agirre, Maite Martiarena, Miren Narbaiza eta Patxi Agirre. Hiru urteko ibilbidean bizitakoak kontatu eta diska berriko abestiak entzuteko aukera izan dugu. Abesti bakoitza nondik sortu den ere kontatu digute.
Aipatu dugun bezala, duela hiru urte sortu zen taldea Zarautzen eta urte berean kaleratu zuten lehen diskoa. Gaztea maketa leihaketako finalera iritsi ziren 2014an. Euskal Herrian ez daude talde asko Perlak taldearen antzeko musika estiloa jorratzen dutenak, beraz, esan liteke zerbait berezia egiten dutela. Urte hauetan, kontzertu eta emanaldi ugari eskeini dute eta esan bezala, bigarren diskoa kaleratu ere bai: Itzaletatik. Bihar Donostiako Egia auzoan dagoen Bukowski tabernan emango dute kontzertua eta entzun nahi dituenak bertan izango du aukera.
