Faktoria
Faktoria
'Akabuko martxea': Urbiatik Barrikara, 250 buruko artaldearekin
Trashumantzian aritzen ziren artzainen bizitza jaso duen "Akabuko martxea" dokumentalaz aritu gara Fredi Paiarekin.
-
19:46 min
Aitor Gisasolarekin batera, dokumental honen zuzendari lanetan aritu den Fredi Paia izan dugu 'Faktoria'n.
Aspaldi abiatutako lana dela kontatu digu: "Uribe Kostako edadetuen hizkera jasotzeko elkarrizketetan, sarri aipatzen zizkiguten 'pastore kiputzak', eta hari horri tiraka iritsi ginen Zegamako Etxezarreta familiarengana". Hala, Mikel Etxezarretak gaztetxoa zela azkenekoz egindako bidaia errepikatu dute dokumentalean jasotzeko.
Bidaia elkarrekin egin dute Mikel Etxezarreta eta Eli Arrillaga senar-emazteek. "Bidaia hunkigarria" izan zela kontatu digu Elik, "senarrak gaztetan elkarrekin ikasitako eskolako lagunak" ere topatu dituelako bidean. Igaro dituzten herri guztietan "harrera ezin hobea eta interes handia" sumatu dituzte protagonistek; besteak beste, herri horietako ikastetxeetan, bidenabar, artzaintzaren ingurukoak landu dituzte.
