Iñigo Llopis igerilariari elkarrizketa, gaurko 'Faktoria'n

7:00etan abiatuko da asteleheneko 'Faktoria',  albistegiarekin. 8.00etatik aurrera, aktualitateari lotutako elkarrizketak eta eguneko lerro-buruen analisia izango dugu entzungai.

Hego Euskal Herrian bihar hasiko da ikasturte berria eskola eta ikastetxeetan. Gaiaz aritzeko, Jose Luis Mendoza Nafarroako hezkuntza kontseilaria eta Maite Alonso EAEko eskola kontseiluko presidentea gonbidatuko ditugu gurera, 8:30etik aurrera.

9:40etik aurrera, minbiziaz arituko gara Arkaitz Carracedo zientzialariarekin. Carracedok egindako bularreko minbiziari buruzko ikerketak nazioartean oihartzun handia izan du, eta pasa den astean, Nature Communications aldizkari ezagunean argitaratu zuten ikerketaren tesia.

Faktoria magazinean, Rioko Joko Paralinpikoetan lehiatuko den Iñigo Llopis igerilari gaztearekin hitz egin dugu 10:00etan. Gero, Ordiziara joango gara, bertatik, urteroko azoka bereziaren berri emateko.