Faktoria
Xalbador hil zela 40 urte
Adiskide bat bazen...
Azaroaren 9an beteko dira 40 urte Fernando Aire Xalbador hil zela. Haren inguruan aritu gara Eneko Bidegain kazetari, idazle eta Xalbadorren bilobarekin.
-
Fernando Aire, Xalbador
28:46 min
"Aitona gazterik hil zaien besteen etxeetan, akaso, ez da aitatxiz hainbeste hitz egingo. Gurean, berriz, beti izan dira oso presente aitonaren kontuak". Eneko Bidegain kazetari, idazle eta irakaslearekin aritu gara 'Faktoria' saioan Xalbadorren inguruan, haren aitona zenaz. Urtebete eskas zuela hil zen arren, oso presente izan da beti haien etxean Xalbadorren figura.
Urepeleko artzaina-ren heriotzatik 40 urte betetzeko direla, asteburu honetan ospatuko da haren jaioterrian Xalbador Eguna. Bertara joateko gonbita egin digu 'Faktoria'n Deiadarra Elkarteko Itxaro Bethartek.
