Faktoria
Sukaldari Dema
Antxoak sukaldatzeko proposamenak egin dizkigute gure sukaldariek
Antxoa garaia heldu denez, Iribar Jatetxeko Pili Manterolak eta Arzakeko Igor Zalakainek arrain hau sukaldatzeko proposamenak egin dizkigute gure gaurko "Sukaldari Dema"n.
-
19:08 min
Arzak jatetxeko Igor Zalakainek antxoak pikillo piperrekin prestatu ditu:
Osagarriak:
Pikillo piperrak
Antxoak
Baratxuria
Olioa
Pipermina
Gatza
Prestaketa:
Pikillo piperrak su baxuan prestatu (baratxuririk gabe), aurretik pikillo piperrak zartagin batean olio pixka batekin egin, eta ondoren labera sartu, ur pixkat gehitu, eta pikilloen botean dagoen saltsa zartagineara bota, piperren gainetik, labeara sartu 150 gradutan, 20 minutuz.
Antxoa handiak hartu, goraize batzuekin garbitu, eta azken momentuan gatzatu. Bestalde, zartagin batean oliba olioarekin baratxuria berotu, pipermin ukitu bat gehitu, gorrituarazten utzi, eta gorritu direnean sutik atera, olio horretara dozenaka antxoa bota, eta 20rarte kontatu, mugitu eta atera, ateratzerakoan piperrak jarri plater batean antxoekin batera, eta baratxuriak ere gehitu.
Pili Manterolak antxoak bi saltsatan egiten ditu:
Osagarriak:
Antxoak
Ozpina
Oliba eta Ekilore olioak
Aguakatea
Limoia
Gatza
Pipermina
Tomatea
Azukrea
Prestaketa:
Antxoak ondo garbitu eta bi zatitan moztu, erdiko hezurra eta buztana kendua, eta ura eta izotzean sartu, ondoren, ozpinetan estali eta 24 orduz hozkailuan utzi. Hurrengo egunean, ozpinetatik atera, eta ekilore olioan sartu eta plaka batean utzi.
Bi saltsarekin aurkeztu:
- Ahuakate saltsa: aguakatearen mamia birrindu, oliba olioa, limoia, gatza eta pipermina gehitu eta birrindu.
- Tomate saltsa: Azala kendu, azukre pixkat gehitu eta irakin, birrindu eta irabiatu.
