Faktoria
Iker Galartza
'Ikuslea maila berean jartzen saiatzen gara, gazteak zein helduak'
Iker Galartza aktore eta komediantearekin izan da Eneritz Zumaian antolatu den 'Gure Zirkua' emanaldian.
-
14:21 min
Ametsen mundura jauzi eginez, Eneritz Aulestia Iker Galartza aktore eta komediantearekin izan da Zumaiako 'Gure Zirkua' emanaldian. 'Gure Zirkua' euskal artistak osatutako emanaldia da. Zirkoaren hastapenak, giroa, bitxikeriak eta beste hainbat istorio entzuteko aukera izan dugu.
Umetatik zirkoaz maitemindu zela aitortu du Ikerrek, batzuek txikitatik zirkoa gorrotatu edo maitatzen dutela, eta bera, gaurdaino, txundituta jarraitzen duela zirkoarekin. Bertako giroa, familia giroa dela azpimarratzen du, eta emanaldia ez dela txikiei soilik zuzendutakoa, helduei zuzendutakoa ere badela dio.
Hurrengo zita Ordizian izango dute eta ondoren, hilabete osoa izango dira Bizkaian zehar.
