Estresa kudeatzeko gakoak, 'Faktoria' saioan

Saioarekin hasteko, 07:00etan, albistegia izango dugu, eta geroxeago, 08:00ak aldera, bigarren albistegia izango dugu.

08:30ean, Ekonomiaren Garapen eta Azpiegituretako sailburu den Arantxa Tapia izango dugu protagonista.

09:00etan, saio berezia izango dugu, eta estresa kudeatzeko gakoak jorratuko ditugu bertan, Amaia Irastorza Bortzirietako erizainburuarekin eta Joxean Goikoetxea Gipuzkoako autoeskolen elkarteko presidentearekin.

09:30ean, nazioarteari buruz arituko gara Juanjo San Miguelekin batera, eta "Blai" aurrerapena izango dugu ondoren.

10:00etan, espazioa antolatzeko xehetasunak jorratuko ditugu, Maitane Ormazabalekin batera.

10:30ean, artelan umoretsuak aurkeztuko ditugu Mario Paniego artistarekin, eta Yuki trikitilari japoniarraren irakaslea, Jokin San Jose, elkarrizketatuko dugu, Yuki aldamenean duelarik.

11:00etan, pintxo dastatzaile gisa arituko gara, eta Kultur Dealers tartea izango dugu jarraian.

Azkenik, betiko moduan, lehiaketaren eta bermutaren tartea izango da.

07:00etatik 12:00etara izango da martxan 'Faktoria' saioa. Ez galdu!