Jonan Fernandez, 'Faktoria'n

Jonan Fernandez Eusko Jaurlaritzako Elkarbizitza eta Giza Eskubideen zuzendaria elkarrizketatuko dugu asteazkenean, 'Faktoria'n.  Besteak beste, Espainiako eta Frantziako gobernuek astelehen honetan Moncloan egin duten ekitaldiaz, polizia biktimen legeari egin dizkioten aldaketez eta errefuxiatuei buruz mintzatuko da Fernandez Maite Artolaren galderei erantzunez. 09:00etatik aurrera izango da hori.

07:00etan hasi da albistegia, Maite Artolak gidatuta. 08:00ak aurretik, Eli Larrinagaren 'Sinadura' entzungo dugu. 08:45 aldera izango da solasaldia, eta Jasone Aretxabaleta, Iker Rioja eta Javier Diaz-Noci ariko dira aktualitatearen analisia egiten. 09:10 aldera elkarrizketatuko dugu Jonan Fernandez. Saioa amaitu aurretik, Meritxel Relaño UNICEFek Jemenen duen arduradunarekin egindako elkarrizketa eskainiko dugu.

10:00etako albisteen ostean ekingo dio Manu Etxezortuk magazinari. Hasteko, Lodosako piperrez ariko zaigu Iker Markinez sukaldaria. Ondoren, janaria ez xahutzeko zer egin daitekeen aztertuko dugu, eta, jarraian, 'Ekosfera' tartea zabalduko dugu Jokin Aldazabal lankidearekin.

11:00etako albistegiaren ondoren, 'Arts & Science' tartea zabalduko dugu Eneko Axpe, 'Maisha'rekin. Segidan, webgune irisgarriez ariko garaImanol Etxeberiarekin (ikusmen murriztua dutenen Begiris elkarteko kidea). 11:30ean, Advanced science aldizkariko azalean agertu berri den Gorka Orive EHUko Farmazia teknologia laborategiko Nanobiocel ikertaldeko kidearen cyborgak eta medikuntza izango ditugu hizpide: elementu teknologiko eta artifizialez osatutako gero eta gorputz protesi eta lagungarri gehiago ditugun honetan, zein da medikuntza zibernetikoaren etorkizuna?

12:00etan, Esther Moyuaren liburu gomendioa entzungo dugu, eta, horren ostean, alkoholikoen senitartekoen Al-Anon elkarteko kide batekin hitz egingo dugu, elkarte horren 55. urteurrenean.

07:00etatik 13:00etara izango da martxan 'Faktoria'.