Begoña Del Tesori hurbileko elkarrizketa, 'Faktoria'n

Begoña Del Teso zinema-adituari sakoneko elkarrizketa egingo dio Maite Artolak ostiral honetako 'Faktoria' saioan. saioaren amaieran izango da, 09:30en buelta horretan. Maddalen Arzallusen 'Sinadura' izango da 08:00ak aurretik, eta solasaldian, berriz, Hedoi Etxartek eta Amaia Espinosak egingo dute aktualitatearen analisia.

10:00etako albisteen ostean ekingo dio Manu Etxezortuk magazinari. Hasteko, Idoia Torregarai Bic boligrafoaren estalkiaren zulotxoaz eta eguneroko bizitzako beste misterio batzuez ariko zaigu. Juanjo Sanmiguel lankidea Saudi Arabiaz ariko da, eta, 11:00etako albistegiaren ostean, Ekain Ibarguren elkarrizketatuko dugu. 11:30ean, Nafarroa Oinezi egingo diogu tartea, eta, jarraian, Filosofiaren Historia gaurkotua ekarriko digu Markos Zapiainek.

12:00etan, 'Amarauna' saioak asteburuan ekarriko digunaren errepasoa egingo digu Gari Udabe lankideak, eta bizitzaren musikaz ariko zaigu Joseina Etxeberria.

07:00etatik 13:00etara izango da martxan 'Faktoria'.