Faktoria
Izaro
'Nik ere sentitu nuen olatuak irentsi ninduela'
Mexikon 7 egunetan 6 kontzertu eman ostean iritsi berritan, 'Faktoria'n izan da kantari gaztea.
-
20:48 min
Kontzertu bira nekagarria izan dela aitortu digu 'Faktoria'n, baina, era berean, pilo bat gozatu dutela. Mexikoko anekdotak gogoratu ditugu, Iker Laurobarekin batera. Lauroba du azken aldian taldekide Izarok. Eason bigarren bakarkako diskoa kalean, Euskal Herrian eta Espainiako zenbait hiritan kontzertuak eskaintzekoak dira azaroan. Arrakasta itzela lortu du Mallabiatik duela bi urte crowfunding bidez finantzatu nahi zuen Ohm diskoa aurkeztera etorri zenetik. Aldi berean hamar urte eta segundu bat igaro direla iruditzen zaio, esan digunez. Hainbeste bizi izan du 2016tik gaur arte. Dena ez da izan distira eta txinparta, baina. Aitortu digu zaila dela oreka mantentzea: "Nik ere sentitu nuen olatuak irentsi ninduela", esan du elkarrizketaren une batean.
Aurki Bixente Martinezen proiektu batean entzungo dugu Izaro, beste artista batzuekin batera. Ur berri, urte berri gabon-kanten diskoaz ari gara, hain zuzen ere. Diskoko hiru abestitan hartu du parte.
Entzun hemen elkarrizketa osorik!
