Nekane Balluerka eta Franskismo garaiko torturatuen testigantzak, 'Faktoria'n

Nekane Balluerka EHUko errektorea izango da astelehen honetako 'Faktoria' saioko elkarrizketa nagusia, goizeko 09:30etatik aurrera. Gainera, eta solasaldiaren garaian, Josetxo Zabaleta eta Elixabete Nosellasen testigantzak ere entzungo ditugu. Juan Muñecas Tolosako Guardia Zibileko kuarteleko kapitain zela bertan jasandako torturak salatuko dituzte asteazkenean herri horretako epailearen aurrean, beste lau lagunekin batera.

Magazinean, bestalde, Boisen euskara irakastea nolako experientzia den kontatuko digu Bakarne Odriozolak. Gainera, errehabilitazio saioetan erabiltzen dituzten robotak aztertuko ditugu Aitziber Manzisidorrekin, eta Ipar Euskal Herrian hainbeste liburudenda zergatik ixten ari diren aztertuko dugu Baionako Elkarreko zuzendari Peio Duhaltekin.

07:00etatik 13:00etara izango da martxan 'Faktoria'.