Iñaki Iriarte UPNko parlamentari ohia eta inauteriak, 'Faktoria'n

Iñaki Iriarte pentsamendu politikoko irakasle da EHUn eta UPNko kide. Alderdi horretako ordezkari gisa egin zituen hiru urte Nafarroako Parlamentuan, harik eta, “arrazoi pertsonalak” argudiatuta, joan den ekainean kargua utzi eta urrutira joatea erabaki zuen arte. Jerusalemera egin zuen, lotura palestinarrek hara eramana. Bertatik bueltan kontatuko dizkigu 'Faktoria'n bizitzan egin dituen bidai ideologikoei buruzkoak.

09:30ean izango da hori. Aurrez, aktulitateari buruzko solasaldian, Maite Ubiria, Javier Diaz-Noci eta Iñaki Goirizelaia eseriko ditugu irrati-mahaiaren bueltan. Eguneko sinadura, Maddalen Arzallusek jarriko du goizeko 08:00etako albistegiaren aurretik.

10:00etan ekingo dio magazinari Manu Etxezortuk. Hasteko, eguneroko absurdo txikiekin umorea egingo du Idoia Torregaraik. Vietnami buruz hitz egingo dugu Nazioarteko tartean, Ipar Koreako eta Estatu Batuetako presidenteak han elkartu direlako. Eta inauteriei lortuta, bi gauza: Coloniako inauteriak alaitzera doan Hondarribiko Abiyuan txarangakoekin hitz egingo dugu eta Erandioko Astrabudua auzoan iaz egiten hasi eta arrakasta ikusita aurten ere egingo duten 'Dantzxori' ikuskizuna ezagutuko dugu.

07:00etatik 13:00etara izango da martxan 'Faktoria'.