Faktoria
Asier Iñigo
'Azkenean 30 talde arituko dira 'Gara'ren aldeko Ilunbeko kontzertuan'
'Babes oso handia' jasotzen ari direla-eta eskertuta mintzatu da 'Gara'ko marketing eta komunikazio arduraduna. 10.000 harpidedun berriren helburua jarri zuten eta jada 6.000ko muga gainditu dute
-
Gara-ko arduradunak, Gizarte Segurantzari ordaindu beharreko zorraren berri eman zutenean
8:33 min
Ekainaren 9rako Gara egunkariak antolatu duen kontzertua handitzen eta handitzen ari da. Belodromotik Ilunbera aldatu behar izan zuten aurrena, eta taldeen kopuruaren azken iragarpena iritsi da orain. Hiru agertokitan 30 talde arituko dira azkenean. Sarrera guztiak salduta daudela iragarriko dituzte izenak, datorren astean.
Gara-ren aldeko elkartasun kanpainako ekitaldi nagusia izango da hori. Aurretik iritsiko da, 'Artea Gara' ekimena, igande honetan. Bederatzi sortzailek artelan bana eman dute, eta 25 euroren truke, igande honetan eskuratu ahal izango dira, egunkariarekin batera.
Bi ekimen horiek, Gara-ren etorkizuneko proiektuak behar dituen 10.000 harpidedunak lortzeko azken bultzada izango direla espero du Asier Iñigok, kazetako Komunikazio eta Marketing arduradunak. Egin-en zorrengatik Gizarte Segurantzari hiru milioi euro ordaindu behar zizkiotela jakinarazi zutenetik 'babes oso zabala' jaso dutela gogoratu du eta jada 6.000 harpidedun berri baino gehiago lortu dituztela jakinarazi.
