Faktoria
Lakaxitan jaia
Irungo Harrera Sareak egindako lana aitortu eta laguntzea helburu duen festa
Hondarribiko eta Irungo herritar talde batek egun osoko festa antolatu du larunbatean Irungo Lakaxitan. Artistak, dantzariak, zirkua, magia eta musika izango dira, eta lortutako dirua boluntarioentzat
-
Hondarribia eta Irungo herritar talde batek Harrera Sarearen lana aitortuko du larunbatean
19:47 min
Hogei ekitalditik gora antolatu ditu herritar talde batek larunbatean egingo den Lakaxitako festarako. Irungo Harrera Sareak hirira iristen diren etorkinei laguntzeko egiten duen lana aitortu nahi izan dute modu honetan, eta ahal duten neurrian lagundu. Festa honetatik ateratzen den etekin guztia boluntarioentzat izango da, ondorioz.
"Auzolanean egindako jaialdia" izango dela azpimarratu du 'Faktoria'n antolaketa lanetan ibili den Asier Perez-Karkamok, "Harrera Sareak ere horrela funtzionatzen duelako, eta haien eredua jarraitu nahi genuelako". Jasotako erantzunarekin ere oso pozik daudela azaldu du, "denek esan digutelako baietz".
Luzea da Lakaxitan izango den artisten zerrenda. Harrera Sarearen alde arituko dira Judas Arrieta, Irungo Garabateando tailerreko kideak, Armiarma Compagnie zirkua eta Berto magoa, dantzariak, eta musikari asko, tartean DJ Jawata, Maribop, Afamada Orquestina DJ, Jon Sanchez Rubio + Karlos Zubikoa, Endika Loiola Eztabaida, Gari Amundarain + Jon Martin, Ane Garcia, Patxuko + Ibai Larralde, Eneritz Furyak, Octavio Nievski, Flavio Banterla eta Velozet taldea izango dira besteak beste. Estilo guztietako musikariak.
Herri bazkaria ere egingo dute, eta tiketak dagoeneko eskuratu daitezke Harrera Sarearen facebook orrian, Hondarribiko Ttopara eta Garua kafetegietan eta Irungo Brönte liburudendan.
Jaialdi honetarako kantua sortu du Patxuko Nice taldeak, "Harrera" izenekoa. Hemen bideoklipa.
