Faktoria
Aingeru Epaltza
'Putazaleak nahiago'
Skolae programa egiteagatik hamar pertsona Iruñean deklaratzen hastekoak direla azpimarratu du idazle nafarrak.
-
Aingeru Epaltza
3:03 min
"Skolae jarri dut bilatzailean eta, badaezpada ere, “euskaraz” gehitu diot. Hona zer agertu zaidan pantailan: Berdintasun ezaren aurrean, kritika eta erantzukizuna. Autonomia eta independentzia pertsonala. Lidergoa, ahalduntzea, eta partaidetza soziala. Sexualitatea eta tratu onak. Emakumeen eta nesken aurkako indarkerien prebentzioa. Emakumeak eta beren ekarpenak ikusgai. Identitateekiko, kulturekiko, sexualitateekiko eta beren aniztasunekiko errespetua. Berdintasunezko maskulinitate berriak eta feminitate ahaldunduak. Berdintasuna gauzatzeko konpromiso partekatua eta partaidetza soziala… Ez dirudite izugarrikeriak. Ez da gure seme-alabendako nahi ez genukeenik. Batez ere, gure alabendako". Honelaxe hasi du 'Faktoria' saioko ''Sinadura'' Aingeru Epaltza idazleak.
