Faktoria
Tolosatik Txinara
Tolosako inauterietako kanta bat, Txinako film baten soinu-bandan
Poca-Tripa txarangaren kantu bat 'Line Walker II' filmaren soinu-bandarako hautatu dute. Javi Arrizibietak kontatu digu nondik nora lortu duten Txinaraino iristea.
-
Grabazioaren irudi bat
10:12 min
'Mirari bat izan da'. Horixe esan digu 'Faktoria' saioan Javi Arrizibieta Tolosako Poca-Tripa txarangako kideak. Izan ere, euren kantu bat Txinako Line walker II filmaren soinu-bandarako hautatu dute. Tolosako inauterietako kantu bat entzungo da, beraz, Iruñean kokatu dute pelikula horretan.
Bonberenea Ekintzak argitaletxeak duela urte pare bat disko-liburua argitaratu zuen Poca-Tripa txarangaren 50. urteurrena ospatzeko, eta diskoko kantuak Youtuben zintzilikatu zituzten. Bada, abesti horietako bat entzun, eta eurekin harremanetan jarri ziren, pelikulan sartu nahi zutela esateko. 4 hilabetez tramitetan aritu, mila buelta eman eta guztia sekretupean izan ostean, albistea baieztatu dute Tolosako txaranga honetako kideek.
Line Walker II filmaren grabazioa Iruñean egin zuten martxoan, eta sanferminetako entzierroa irudikatu zuten.
