Faktoria
Amagoia Gurrutxaga
'Zaldiarenak'
Heroinak hildakoak gogoratu eta 'Zaldi urdina' antzezlana goraipatu du Amagoia Gurrutxaga kazetariak.
-
Amagoia Gurrutxaga
3:02 min
"Mandoak bezala edozein kantoitan zutik lo hartzear geundenean, ahots batek ekartzen gintuen beti esnaien mundura:
- Etorri al da zaldi urdina zure bila, poxpolo?
Loaren iragarle eta ametsen garraiolari, horixe zen zaldi urdina umetako gure etxean: beste mundu batera eramango gintuen animalia basa.
Erraldoi irudikatzen nuen beti, nire txikitasunean. Eta aitaren zurrungen eta etxekoneko emakume bizardunaren txilioen nahasketa xelebrea ziren intzirien egile. Eta tia Julitak amama Madalenari egunean behin askatu eta ordubete gozoz orrazten zion adats urdin ederraren tankerako zurda luzeen jabe". Honelaxe hasi du 'Faktoria' saioko ''Sinadura'' Amagoia Gurrutxaga kazetariak.
