Andeka Gorrotxategi tenorrari gertuko elkarrizketa, 'Faktoria'n

Andeka Gorrotxategi tenorra izango dugu ostiral honetan 'Faktoria'ko gertuko elkarrizketan. 09:30ean iznago dugu abeslariarekin hizketaldi patxadatsua. Bestalde,     solasaldia Zumarragatik egingo dugu. Santa Luzia azokaren aitzakian, mahaiaren bueltan eseriko ditugu Mikel Serrano, Eneko Etxebarria eta Lurdes Idoiaga.

Gainera, Erresuma Batuko hauteskundeen emaitza zuzenean jasoko dugu, Nerea Sarriegi lankideak kontatuta

10:00etan ekingo dio magazinari Manu Etxezortuk. Hasteko, Santa Luzia azokatik sartuko zaigu Jexus Artetxe lankidea. Goizkeo irribarrea Idoia Torregaraik aterako digu, eta segidan, Artziniegara joko dugu. Xabier Santxotenak kontatuko digu nola bildu dituzten mundu osoko 2.400 jaiotza. Betsalde, CoP25-etik bueltan, Aitor Zulueta Eusko Jaurlaritzako Natur Ondare eta Klima Aldaketa saileko zuzendaria izango dugu, eta Donibane Garazi zabaldu duten EZTIKA saltoki berria ezagutuko dugu.

07:00etatik 13:00etara ariko da lanean 'Faktoria'.