Faktoria
Marijose Lasa
Zubi bat bizileku
Urtetan Euskadi Irratiko Ekialde Hurbileko berriemale izan zenak, Mediterraneoaren inguruko herriez, bere herriez eta familiaz hitz egin digu, elkarrizketa pausatuan
-
Marijose Lasa
20:58 min
Euskadi Irratiko Ekialde Hurbileko berriemale eta analista izan zen urte askoan Mari Jose Lasa. Mediterraneoaren alde honetan bizi da aspaldiko honetan. Hangoari eta hemengoari begiratzeko duen begirada berezi horrekin aritu zaigu Mediterraneoaren inguruko herriez, berez herriez eta familiaz, zubi batean bizi den familiaz. Eta leku eta begirada horretatik kontatu digu, adibidez, zein gutxi gustatzen zaion tolerantzia hitza. 'Oso hitz itsusia da. Tolerantzia da jasaten ez duzun zerbait onartzea. Gainera, paternalista da; esaten du zu hobea zarela bestea baino. Ez dut erabiltzen'. Enpatia, ulermena, jakintza, adiskidetasunaren eta maitasunaren apologiatik mintzatu da, gertuko solasaldian.
