Miren Gorrotxategi eta Nekane Balluerka, 'Faktoria'n

Miren Gorrotxategi Podemoseko lehendakarigaia 'Faktoria'nizango da astelehenean. Hautagai ofizialaren kontra alderdi barruko primarioak irabazi ondoren,  etorkizun politiko gertukoaz arituko da Maite Artolaren galderei erantzunez. Goizeko 08:30etatik aurrera izango da hori.

09:15etatik aurrera, berriz, Nekane Balluerka EHUko errektorea elkarrizketatuko dugu

Astelehenero bezala, Bernardo Atxagak itxiko du saioa.

10:00etan ekingo dio magazinari Manu Etxezortuk. Hasteko, Jon Aldeiturriagaren asteleheneko gonbidatua Jone Goirizelaia abokatu eta Bilboko zinegotzia izango da. Bestalde, Italian koronabirusarengatik euskaldunen bila gabiltzala, Barakaldoko bi harribitxi topatu ditugu: Milango Microsoft-en lan egiten duen Iratxe Garratxon Lopez eta Igor Santos Salazar, Bolonian bizi den historialari ikerlaria. Bien ibilbidea eta lana ezagutuko ditugu

07:00etatik 13:00etara izango da zabalik 'Faktoria'.